有一種同事,奉旨同你一齊吃喝玩樂!

撰文:Wantedly編集部 | 2018-10-05

來自台灣嘅即時娛樂預訂平台FunNow嘅4位員工同大家講吓佢地非一般嘅「上班日常」!

娛樂平台 = 一般旅遊app?

FunNow主打「本地活動」,同一般介紹行程嘅旅遊app絕對唔同。例如你行到攰想做腳底按摩,就可以利用呢個app搵到你附近嘅按摩店,最快可以預訂15分鐘後嘅娛樂活動。平時我哋習慣有咩都用Google search,但好多時Google都冇排名或者用家評語,呢個app就係希望令資訊透明化,為客人提供晒店舖評分等等。

來自台灣嘅Marketing Director Erika Chiang話:「好似平時成日去台灣都冇晒新意,呢個app就可以帶你去食當地人最喜歡嘅食店,搵當地嘅hidden bar,同旅遊平台定位不同。」

大大隻字寫住「chill」,唔通startup真係咁好玩?

Startup vs 大公司?

傳統想法會覺得搵工最好搵大公司,因為福利好、名聲好。今次接受訪問嘅員工當中,反而有2位係一畢業就加入FunNow,佢哋異口同聲咁話其實Start Up好啱剛畢業嘅同學仔。

1. 機會比大公司多

做Account Manager嘅Ceci話,自己當初選擇FunNow係因為想搵有發揮空間嘅公司:「我唔想好似大公司咁每日重複同樣嘅routine,咁樣唔會有大成長。」雖然FunNow暫時人手唔多,工作程序上都未係好成熟,但變相大家都有發揮空間。Ceci又補充:「喺大公司入面,你可能只係一粒小螺絲,點輪都未輪到你去見大客或者負責重要嘅project。但係呢度就有機會接觸唔同公司嘅GM、director同sales,對自身經驗都好有幫助。」

2. 發揮空間大

唔少打工仔都覺得大公司階級觀念好重,老細永遠是對的,而自己嘅意見通常都不被採納,甚至連俾意見嘅機會都冇。Startup某程度就係頂唔順呢種文化,所以先會自己創業,因此對於異想天開嘅意見接受能力較高。FunNow都好歡迎大家發表意見,任職Marketing Specialist 嘅Esther話:「有idea可以直接向上面提出,佢哋唔會因為你冇經驗而唔採用,呢個係好大嘅優點。只要你有idea,有數據去support,公司都好支持去做。」

Esther同Ceci都建議啱啱畢業嘅學生可以加入FunNow,因為機會比大公司多!

3. 彈性上班時間

相信好多年青人投入職場前都有恐懼,覺得自己自此就會被困喺辦公室,朝9晚6冇晒私人時間。其實每個人最醒神嘅時間都唔同,有啲人一朝早就可以投入工作,但有啲人要深夜先靈感爆燈,而大部份startup都接受員工有自己最有效率嘅工作節奏。FunNow俾員工彈性時間上下班,只要最終妥善完成工作就得,佢哋相信咁樣只係俾員工喺舒適嘅環境之下追業績同達到成果。

就好似Operations Manager Didi咁,由於要照顧小朋友,所以佢都認為彈性上班時間對佢好有幫助。「只要有電腦同電話,可以上網,就隨時隨地都可以做,我地公司比較free,甚至我喺佢地睡著咗個陣完成工作都可以!」Erika仲話如果前一晚飲多咗,第二日想晏小小返工都可以,唔知真定假呢?

福利比唔上大公司?

彈性工時點吸引,都唔夠bonus吸引!FunNow 坦言比起大公司冇好好嘅package,但如果表現好係會有share,至於有幾多,就要視乎員工嘅工作表現。Erika話:「我哋唔可以好似大公司咁俾好好嘅package,但呢個機制係希望大家同公司一齊成長。」

另外員工不但可以有「玩樂金」,以優惠價享用平台上嘅服務,仲有機會周圍飛,啱晒一班坐唔定嘅年青人。由於FunNow本身係台灣公司,所有員工一開始都會去台灣接受為期一周嘅訓練,site visit時可以順便狂食!加上公司都拓展緊其他地區,未來都有機會去不同城市交流同工作。

咩人適合做Startup?

講到底其實份工要做咩?FunNow目標係集合晒本哋不同娛樂嘅好哋方,員工必須好努力去搵客人同傾合作。身為一個娛樂平台,佢哋請人時會搵翻啲識享受生活嘅人,仲明言唔會請無聊嘅人!Erika認為FunNow所有員工好貪玩,仲話:「一定要識得玩,先可以去entertain其他人!」

Erika笑言成間公司嘅同事都好貪玩,成個訪問過程都好歡樂!

公司啱啱先喺香港站穩陣腳,公司暫時情況係要「由0到1」,對於未來比較模糊,要靠一班有心嘅同事一齊建立公司。所以Erika認為肯接受不確定性好重要,如果應徵者係大公司思維,叫你做一步先做一步,又喜歡安穩生活,就可能唔係好啱呢份工喇!

做娛樂平台係咪淨係玩?

仲講work-life balance? Out喇! 如果叫同事形容FunNow嘅工作,佢哋都會認為係「work-life integrated」,Erika話咁樣要喜歡工作先可以做到咁!「做嘢嗰陣真係可以玩,但玩嘅時候同時都會諗下如果傾到同呢間bar合作就好,將工作同生活完全放埋一齊!」

睇到office咁多嘢玩,我都好想apply去呢度做嘢!

阿里巴巴今年8月投資咗FunNow,因此佢地都希望可以好快咁成長,未來都會集中發展香港,希望到明年年底前只要大家一諗起娛樂,就可以諗到佢哋呢個app。

Startup公司嘅工作方式並不適合每一個人,特別係「從無到有」嘅過程中會經過好多撞板嘅時間,又會有好多繁複嘅工序。加入startup公司可能辛苦,但可以見證住公司成長,自己付出嘅努力又可以直接為公司帶嚟成果,呢啲價值係大公司做野真係未必搵到!

FunNow請緊咩人?

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!
FunNow Hong Kong's job postings
Anonymous
Picture?height=40&width=40
1 Likes
Anonymous
Picture?height=40&width=40
1 Likes

Weekly ranking

Show other rankings

Page top icon