打份工都可以年薪過百萬!?

撰文:Wantedly編集部

如果要喺香港年薪過百萬,通常都係專業人士,但你有冇諗過喺Pro-Aqua打工都有呢個可能?筆者本來都唔信,但同完佢哋班同事傾完偈之後,就發現凡事都有可能。

畀少少背景資料大家先,Pro-Aqua喺2006年由德國expand到香港,由初初幾個人嘅team,去到而家嘅幾千呎office,靠嘅只係得一樣product──吸塵機。(唔好睇少佢呀,喺2007年仲拎埋Red Dot Design Award㗎!)

▲左起:Ivan、Esther、Manson

「邊有人睇得起sales㗎?」

同好多人一樣, Esther以前都係咁諗,所以從來都冇做過sales,亦都冇諗過做sales,忽然「開竅」嘅原因竟然係自己嘅伴侶?

「其實一路做開event都好辛苦,但始終都叫自己做開,又唔敢亂咁轉工,結果我partner叫我不如試下做sales啦,輕鬆啲又自由啲,於是就介紹咗呢間公司畀我。」Esther當時都諗咗好耐,但佢就話唔想自己去到4、50歲先嚟後悔,所以就轉行又轉工:

「入到嚟先發現原來做sales唔係咁hea咁易,例如你見客咁,你可以遲到又得,直頭唔去都得,但你自己咪要受返,搵少啲錢囉。我都係因為入咗嚟,先叫做自律咗啲,又勤力咗啲。」

Manson嘅經歷就好唔同啦,唔鍾意讀書嘅佢可以話係咩工都做過哂:「做廚師做咗8年,錶又賣過,但呢啲工都係吃力不討好。之後咪轉咗去做保險,做咗4年之後就嚟咗Pro-Aqua。」

可能大家都會好奇,點解Manson做咗4年保險,又會選擇轉公司呢?

「咁你都知好多人一做保險就『斷六親』,咁我一直都有同啲friend跑開步,點知有次佢約埋其他人啦,一聽到我都會join,就同我朋友講話唔想我去,嗰陣真係幾唔開心。」

▲唔知兩位阿頭有咩見解呢?(左起)Derek – Sales Manager、Kent – Sales Director

「最正係唔使自己搵客」

喺外國回流嘅Derek,因為把口成日都停唔到,所以幾乎各大行業嘅sales佢都做過:保險、地產、珠寶……咁點解會走嚟sell部吸塵機呢?

「Product好我就唔講啦,但呢度最特別嘅係, sales係唔需要自己搵客,因為我哋有另一條tele-marketing嘅team去幫我哋arrange,變咗我哋壓力又冇咁大,時間又彈性好多,咁我哋咪可以做多啲自己嘢。」

喺大公司做咗5年CS嘅Ivan,一下子放棄呢條career path,跳出嚟做sales,最主要係因為自己感受到嘅「不公義」:

「嗰陣喺間上市公司做咗咁多年,都係做嘢就多過人,但人工又低過人,然後啲同事都唔會尊重你㗎,都係當你『阿四』咁幫手做嘢,成件事係好唔公平㗎,但你又冇得改變啲咩。既然係咁咪索性跳出嚟做sales,最起碼真係『多勞多得』,你sell幾多就袋返幾多。」

呢個世界的確係有好多唔公平嘅地方,無論係做人做事都好。或者大家同筆者一樣,都覺得個大環境係好難改變,但起碼可以好似Ivan咁改變自己。

▲大老闆原來係藝術迷?(圖為收藏品之一)

「極速成長」冇難度

作為一個70後,喺呢間公司都做咗十幾年,阿Kent就覺得呢間公司令到自己成長得好快:「你入到嚟每日都見緊唔同嘅客,一開始又可能會成日食檸檬,再由唔係好識點同人溝通,去到你可以同個客飲杯咖啡,佢就即刻幫你買件product,呢啲過程同埋人生經驗唔係間間公司都有。」

筆者一聽完就心諗:嘩,咁chur搞唔掂喎大佬。但原來佢哋會做好多嘢,幫一班同事「極速升lv」,阿Kent再講:

「新同事會有training就唔使講啦,同埋有經驗嘅同事都會做coaching,講緊係做咗1年嘅都會。所以如果啲同事有咩問題,大家都會幫手,做情緒管理又好,帶佢出去『行孖咇』做shadowing又好,出去飲飲食食都好。最緊要係處理好個情緒之餘,仲可以一齊檢討吓有咩問題。」

Derek補充:「講真有邊份工唔chur㗎?但當然都要睇你嘅信心啦,所以之前都有同事試過即日辭職㗎,咁佢可能覺得自己做唔掂嘅,咁都冇辦法,但最起碼都叫試咗,知道自己唔啱做,而唔係一開始連試都唔試,然後就放棄。」

唔知大家係咪同筆者一樣,都係唔知幾時開始就覺得自己唔啱或者唔想做sales,但其實佢哋呢班人又有幾多個係一開始就想做sales㗎?好多嘢筆者都答大家唔到,但可以肯定嘅,就係sales一定係其中一個最「均真」嘅工種。

後記:大家有冇發現成篇文都冇提過年薪過百萬呢?因為訪問完咗之後,Derek就帶筆者行吓個office啦,然後見到佢哋塊寫到密密麻麻sales board,佢就好輕描淡寫咁講咗句:「係呀,舊年個top sales全年搵咗百幾萬,呢度個個同事又有車喺手,都係睇你有幾勤力姐。」筆者聽完眼都突埋,然後就繼續參觀佢哋個office……

你都想試試佢?💰

Sales
做sales竟然可以唔使自己搵客!?Pro aqua, 凡事都有可能!
保雅家國際有限公司 (PRO-AQUA International GmbH) 的董事總經理 / 持有人為 Gerhard Meier 及 Jürgen Wehner,二人自1992年起便投身配備濾水器的家居清潔系統分銷業務。憑藉二人的經驗,他們在1997年決定要發展一種創新的產品,並以自己的品牌名稱 「PRO-AQUA家居清潔系統」進行生產及分銷。PRO-AQUA 清潔系統已在德國專利署註冊,並已獲多個測試組織的認可及KEMA驗證。 保雅家亞洲有限公司 (PRO-AQUA ASIA LIMITED) 的行政總裁Mr. Bernhard Ernst倪伯豪先生於2007年正式在香港設立亞洲總部。倪伯豪先生成長於慕尼黑(德國)一個企業家家庭,從早年起,便參與並獨立承擔各項業務工作。在完成機械工程方面的專業訓練後,他於多間製造業企業積累了大量經驗。熟悉一個企業所有部門的運作,由採購、生產、品質、員工管理至銷售,對他來說每個環節也是非常重要。 時至今日,PRO-AQUA已分銷至全球超過40個國家。我們的顧客對我們的產品質素、服務及一流的成本效益讚不絕口,激勵著我們在未來繼續不斷擴展。
Pro-Aqua
Pro-Aqua's job postings
6 Likes
6 Likes

Weekly ranking

Show other rankings
If this story triggered your interest, go ahead and visit them to learn more