【二O十九求職百科】②人工加五百?只怪「一個願打,一個願捱」

又到年頭,除咗展望將來之外,都係各公司準備加人工嘅時間,喺呢場「年度角力」裡面,你又有冇諗過自己一直都係underpaid?

根據香港政府統計處刊登嘅《2017年收入及工時按年統計調查報告》,喺15-24歲同25-34歲呢兩個年齡層嘅全職僱員裡面,月薪中位數分別係HK$13,500同HK$18,000。

當然,報告裡面仲有按行業去劃分(有興趣嘅朋友可以喺文末搵到條link㗎),但如果單純以年齡層計,你又係咪underpaid嗰個呢?

人工加啲啲,走好唔走好?

人工從來都係一個敏感嘅話題,即使喺好多親近的朋友之間,大家都會絕口不提,講得出口嘅,九成九都係自覺搵得畀人地多,俗稱「人生勝利組」,又或者打份「風流工」就一世嘅「二世祖」。

筆者就試過有次約班舊朋友出嚟打波,其中一個忽然話:「我做嘅嘢又少過你、搵得又多過你。」跟手再「轉身射個三分波」。當時大家聽到都呆咗,除咗句嘢難聽過粗口之外,仲發現原來社會真係會改變一個人。但與此同時,你又有冇諗過,其實你唔一定要係畀人窒嗰個?

又有另一個朋友以前做過一間賣bb用品嘅admin,過咗半年試用期之後加咗「五舊水」。冇錯,一大張500蚊港紙。

假如我係佢,我會即刻拎張500蚊紙出嚟掉落佢塊面度(如果銀包有的話),跟手就辭埋職。而我當時就畀咗兩個字嘅建議佢──「劈炮」。

騎牛雖絕對,切記要搵馬

一直以嚟,老闆同下屬之間都應該係對等,因為當你需要份人工嘅同時,他們亦需要你為公司賣命,若然公司唔珍惜你的話,何必留低?縱觀歐洲地區,每年嘅罷工次數同人數比起香港為爭取民主嘅遊行都多,而每次罷工後,佢地嘅人工都會有相對應嘅增長。你可以話係文化差異,但同時都可以話自己唔爭氣。

有所謂「天涯何處無芳草」,假如你喜歡份工的話都叫打死無怨,但若果自己討厭間公司,又要遭人待薄,一切都係自己攞嚟。

相信大家都深明「騎牛搵馬」呢個道理,但知易行難,尤其當社會每日都同化你嘅時候,收工都只係想搵一個喘息空間,要不埋首打機,要不好似黃子華喺《絕代商驕》裡面咁搵個「樹窿」。

之所以莫講話搵工,連搵男/女朋友都覺得攰。但有咁嘅心態就正中公司下懷,佢地就係因為睇死大家都「離不開」,於是「大條道理」緊隨大市加薪幅度:3.2%,筆者嘗試畀個例子大家:如果你而家月薪$15,000,人工加幅將會係$480,冇錯,係500蚊有找。如是者,當大家喺騎緊隻牛嘅同時,就會慢慢放棄去搵嗰匹馬。

正所謂「做人做狗自己揀」,當你一邊覺得自己值得更高人工,公司同時間又「度縮」嘅時候,但自己又唔選擇離開,可能係時候要take a leap of faith。

希望大家睇完呢篇文之後至少會記住一件事--打工同拍拖如出一轍:要先有人願捱,另一個人先有得打。

🤓【二O十九求職百科】大全🤓

睇吓有咩好工啱你啦 👇🏼

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過30,000間公司使用Wantedly,每月活躍用戶達到120萬個。我們的服務已拓展至新加坡,現在更進駐香港!

👇🏼政府收入報告如下(大家做足心理準備先好面對現實😢)👇🏼

Wantedly, Inc. (Hong Kong)'s job postings
Anonymous
06880317 0d88 4879 affc 116c7b3a9503?1536197960
1 Likes
Anonymous
06880317 0d88 4879 affc 116c7b3a9503?1536197960
1 Likes

Weekly ranking

Show other rankings

Page top icon