1
/
5

【轉工定留低】2020嘅你值幾錢人工!?

✨ 嚟到都係想搵份好工姐,即刻click呢度睇吓有咩啱你啦!✨

繼舊年嘅《2019嘅你值幾錢》之後,嚟到2020當然都要畀返啲參考大家啦,但喺開始之前,筆者有個朋友(下稱S)就愁緊轉唔轉工好,原因都係離不開錢。

筆者認識嘅S一直都係好有想法嘅人,fresh grad就出嚟做記者,但過咗兩年之後真係接受唔到個人工太低嘅關係,就跳咗出嚟做marketing。

S嘅人工雖然即刻好咗好多,跳一跳就加咗幾千,但個問題係佢做緊嘅係一間移民顧問公司嘅marketing,簡單啲講就係要瘋狂整啲「長輩圖」。

幾經辛苦佢終於過咗試用期,結果只係加咗$500,連HR顧問公司ECA International估計嘅4%增幅都冇,真係睇幾次《乜代宗師》都冇咗啦……

唔好話筆者唔提你,根據國際招聘顧問公司Robert Walters嘅《2020薪酬報告》,如果大家轉工嘅話,人工係會加10至15%,除非你好鍾意自己份工,如果唔係都應該冇留低嘅理由。

「戲肉」嚟啦,無論係fresh grad又好、做咗幾年嘅打工仔都好,究竟2020年嘅你應該值幾錢呢?

Human Resources

作為一間公司嘅「重中之重」,公司都當然唔會待薄佢哋啦,HR除咗入職人工可能會較低之外,只要你肯做幾年,你嘅加薪幅度分分鐘大過公務員。

Admin

講完HR又點少得Admin呀,雖然大家可能會見到entry level個人工同HR差唔多,但只要你做到上去management嘅話,就會開始見到個差距。但如果你想過安穩嘅生活,慢慢去到「收成期」嘅話,可能Admin都係唔錯嘅選擇。

IT

喺而家呢個數碼世界,又點少得「IT狗」嘅存在呢?但由於牽涉嘅工種太多,筆者只好將兩個最大路嘅positions抽出嚟畀大家參考吓。

如果大家就咁睇入職中位數,其實閒閒哋都可以上到去20k。做IT人工大把路數就係人都知㗎啦,雖然係辛苦錢,又會成日都OT到傻,但至少你袋OT錢嘅時候,對得住天地良心。

Marketing

係人都知Marketing出名多人想試,聽落又好似幾好玩咁,但其實作為一個小薯,人工一開始真係可以畀人壓到好低。

(實不相瞞,筆者第一份工嘅月薪係12.5k……)

但當然marketing都有佢好玩嘅地方,而且如果你好buy自己間公司,又或者好鍾意嗰個brand,你淨係見到好多人like自己出嘅post都變「happy伯」啦,唔似某啲page同account,無論搵邊間公司做PR都好,每次出post都只會見到無數個「😡」……

Creative

喺過去呢大半年,相信大家都見識到香港人係幾咁creative,連「外國勢力」都不斷大讚,但其實佢哋嘅人工好多時都畀人壓得好緊要……

Creative相關嘅工種當然有好多啦,筆者就揀咗3個比較搶手嘅例子出嚟畀大家參考吓,希望令到一班同路人爭取到更加好嘅人工,路仍漫長,共勉之。

Sales

嚟到最後又點會唔提sales呢?好多人都會覺得,sales都只係一班「拜金族」,但試想像自己係一間startup嘅sales,佢哋或者只係相信公司嘅product,而每一個客對佢哋嚟講都係彌足珍貴。

今時今日如果要搵錢,又點會夠啲「green object」高人工呀,淨係計OT都唔知食到幾多餐「海底撈」。但呢個世界上仍然有好多人,唔會為咗錢而埋沒良心。所以希望大家喺新嘅一年,除咗步步高陞之外,都會繼續毋忘初衷,做一個對得住自己嘅人。

睇完即刻想轉工?落樓下睇睇先啦~🔽

Wantedly, Inc. (Hong Kong)'s job postings
12 Likes
12 Likes
If this story triggered your interest, go ahead and visit them to learn more