✨ 嚟到都係想搵份好工姐，即刻click呢度睇吓有咩啱你啦！✨

如果有follow開Wantedly嘅Instagram嘅話，相信大家都知道筆者最近做緊一個「非正式人口普查」系列嘅Q&A，由於見到啲答案由半年去到三年都有，筆者就決定同大家講吓，究竟一份工應該要做幾耐，先唔會畀人覺得你jumpy。

一份工要做幾耐先算合格？

好老實同大家講，其實好多HR都會覺得，做夠一年叫合格，做夠兩年就叫有經驗，所以如果大家想要一個比較籠統嘅答案嘅話，基本上睇到呢度就可以上一頁，再決定轉唔轉工。

但好多時大家就係因為太focus喺個時間，而忽略咗實績，簡單啲嚟講：如果你係老闆，你會請一個做咗一年就想轉工，但又prove到自己有成績嘅人，定係做咗兩年，但喺CV又見唔到佢有啲咩achievement嘅人？

所以筆者有以下呢個結論：最理想就當然做夠一年啦，但如果間公司根本冇發揮空間畀你，即係你做足兩年都係做打雜嘅話，咁勉強畀你捱夠兩年，你換下一份工嘅時候，又會有啲咩「成績」畀到人睇呢？

如果我做咗一個月已經覺得怪怪哋咁點算……？

呢個就可以參考返Wantedly Instagram其中一個follower嘅答案：「正常工兩年，垃圾工兩日。」大家可能會覺得好極端，但筆者就非常認同佢嘅mindset。

但係，筆者係絕對絕對唔建議大家裸辭，原因有二：

1. 飯都係要食，除非你係打「風流工」
2. 當你有份工喺手，搵工會冇咁大壓力

所以當你發現自己中伏嘅時候，筆者嘅愚見係盡量喺試用期完之前搵到一份新工，但個重點應該係搵一份啱自己嘅工，而唔係點樣盡快去離開呢份伏工，否則就只會「無限輪迴」。

冇份啱你？不如畀啲心機自己碌吓啦！💪🏼