Wantedly Journal | 仕事でココロオドルってなんだろう?

Job seekers

「積極」係咩嚟?食得㗎?

咩時候你覺得自己做嘢最落力?

2018/05/08

最唔覺得自己出緊力嘅時候,其實就係做嘢最落力嘅時候

句嘢好似唔知講咩咁,但試諗下:有人叫你做一件好悶、好無癮嘅事,就算叫你喺間冷氣房俾你舒舒服服坐喺度做,你都會覺得件事好花心神,做完都無乜成功感。

做自己真心鍾意嘅事會忽然變得好積極

掉返轉,大家有無試過做一件你好鍾意好鍾意嘅事,做到廢寢忘餐,如入無人之境?件事可能要出街日曬雨淋、又可能花你好多時間、甚至一個崩都賺唔到⋯⋯ 但你嘅熱情就係喺嗰度,快樂嘅過程同出嚟嘅結果足以蓋過辛酸。好唔好 pay?可能真係唔太緊要。

小編係超級鍾意運動嘅,當年final year捱夜啲玩少啲都同班friend一齊搞Inter U Sports Camp,諗返真係好熱血同開心。返學返工再忙再chur都肯花間去搞莊、搞v show、練波、練舞、學日/韓/德/法/西班牙文等等嘅你,無passion同目標嘅話又點會咁落力?

Motivation 3.0

Designed by jigsawstocker / Freepik

呢個現象有個名,叫「Motivation 3.0」。Daniel Pink 喺佢本書提到,人類做嘢嘅動力,在於三件事:第一,做嘢嘅時候可以揸到幾多主意;第二,件事本身對我地嚟講有無意義;第三,我地可唔可以進入「無人之境」,將工作煉成一個登峰造極嘅境界。點解啲人返工返到頹哂?因為一般返工嘅賞罰機制,其實唔會我令我地積極咗。

想令自己有多啲motivation?Daniel Pink 嘅 TED Talk 或者會幫到你。


. . .

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!

入嚟睇吓我地嘅搵工平台有咩唔同啦:
👉 http://wantedly.com/projects

NEXT

Page top icon