Wantedly Journal | 仕事でココロオドルってなんだろう?

Job seekers

請人係請最適合嘅,而唔係最 Smart 嗰個

啱啱見完份工,覺得今次實無死啦...

2018/06/05

過左一星期、兩星期,音訊全無,唯有寫封 email 去問,先知原來不獲取錄,心中一沉:「唉又衰咗... 唔通連個天都唔鍾意我?」

CV 咁靚仔,面試表現又好,點解唔請我?

做合適的人,不是最勁的人

呢句係一位 HR 朋友教小編的。其實一間公司請人,無非係想搵一個能夠幫助佢地事業發展嘅人,而唔係最 smart、最醒目嘅人。一個有合適能力、性格能融入公司文化及展示到發展潛能嘅人先係佢地心目中的理想人選;being smart 好多時只係一個 bonus。

以一般接待員嘅工作職責為例:
・接待顧客及解答查詢
為顧客安安排預約
一般文書處理
結算及處理每日銷售單

如果見到以上要求,可以話畀 HR Manager 聽你有幾咁細心,對客人有禮,如果有實際例子更好(可參考 STAR 面試技巧)。集中描述自己嘅能力及過往經驗如何滿足公司需求,比不停展示自己其他無關痛癢嘅能力好。

打個比喻:大家都知香港人由細開始玩各種各樣嘅課外活動,又考級又拎 cert,n 項全能咁。但如果以上同份工都無乜關係,除非 interviewer 好有興趣知道,否則都係 focus 返喺工作相關嘅 skills 較實際。

了解公司文化

同時你亦應該留意公司嘅文化,以 Wantedly 為例:
・Team Diversity
Work-life balance
Team oriented
Risk taking > comfort zone
Continuous feedback
Open communication

如果睇到以上嘅字眼,你就唔應該再強調自己有幾咁突出,因為公司講求嘅係團體多元化/合作性、冒險精神等,所以你要表達現出 (1) 你如何有效地與不同嘅人合作,(2) 講吓你如何勇於嘗試新 projects 或 ideas/ 之前喺風險下實現目標嘅經歷,將自己融入到公司嘅文化之中。

態度 vs 能力

最後就係展示潛能,作為一個 fresh grad/ junior 要令 interviewer 知道你有進步嘅能力,就要表現出良好嘅工作及學習態度;至於做咗嘢幾年以上嘅就應該諗吓除咗搵錢之外,有咩更大嘅目標畀自己。其實對於好多公司嚟講態度比能力更重要,所以記得一定要有好嘅態度。

今天不做主角

記住,你去見工,係要話俾 HR/ Hiring Manager 知:「我係屬於呢到。」你唔係要顯示自己有幾咁 smart,而係你可以帶到啲咩畀公司 — 特別係你條 team

小編明白的,每個人都係自己心中既主角,但見工時就暫時做一下配角吧!做得到,好工就離你不遠了。


. . .

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!

入嚟睇吓我地嘅搵工平台有咩唔同啦:
👉 http://wantedly.com/projects

  • Written by

    Wantedly編集部

NEXT

Page top icon