Wantedly Journal | 仕事でココロオドルってなんだろう?

Company

返工最緊要開心

香港出咗間「Fashion界Google」,員工話返工見足同事五日都唔夠?!

2018/06/20

成日上網都會睇到,咩Google呀Uber呀個Office幾大幾靚幾多嘢食乜乜乜…搞到全宇宙嘅人都話想入去做!但理想歸理想,呢啲人工高福利好嘅大公司,爭崩頭都未必輪到我哋啦~

點樣入到去做?Sorry答你唔到喎~但今次介紹嘅呢間有「Fat唇界Google」之稱嘅Goxip,你同我…Er…應該都…仲有啲機會……啩~

Fashion界Google咁把炮?

Goxip除咗係一個時裝網購平台,同時亦都係一個時裝Search Engine~即係當你睇中某某KOL或者明星條裙,甚至喺街見到人哋件衫好靚,都可以影張相Upload上去,然後呢個平台就會幫你喺500幾萬件產品入面,幫你搵件最相似嘅款㗎喇~

你哋Office無遮無擋,做起嘢上嚟咪好唔方便?

Goxip策略及營運經理Louis Lam(上)及人才招聘專員Doris Mok(下)

少年你太年輕了~成個Office冇間隔,咪就係為咗大家溝通得方便啲咋嘛!Goxip覺得覺得作為一間Start up,公司一定要夠開放,先可以鼓勵到大家同其他部門嘅同事一齊合作,例如有嘢問嗰陣,同事A會喺自己位大嗌過去問對面海嘅同事B嘢,都唔會畀人當係一回事~

同事之間真係咁Friend?

唔知係咪就係因為大家之間冇隔膜,所以全公司上下都好老友,返工見足五日都唔夠,連星期五放工都仲要一齊去Happy Hour……得閒仲會搞下啲Cooking Class呀Free Lunch呀去凝聚大家𠻹~仲有另一個原因,就係Goxip唔止係請一個「員工」,而係要請一個配合到公司文化嘅人做「朋友」,咁就可以避免新同事因為融入唔到而唔開心,或者溝通唔到嘅問題啦Yeah!

成為你哋一分子有咩條件㗎?

想加入呢個大家庭,經驗同知識都未必係最重要,因為只要你肯學,同事就一定肯教!而更重要嘅,應該係同入面嘅員工臭味,Sorry,趣味相投,一樣咁鍾意玩,一樣咁鍾意同人相處呀~總之一句講晒:入得嚟做,就要「Bring up Goxip to become the next fashion Google」(好熱血)!

公司有咩著數留住班員工?

老老竇竇,Goxip同其他大公司唔同,呢度冇廿幾日年假,亦都冇免費按服務摩~可以維繫理大家嘅,應該就係同事與同事之間嗰份真心嘅感染力。喺呢度嘅人,最關心唔係有幾多日假,而係彼此之間嘅合作,同埋嗰一顆為公司共同進退、打江山嘅心。

後記

其實作為一個打工仔,扮工嘅時間分分鐘多過對住屋企人。雖然做嘢係攰,但如果可以喺公司搵到班做到Friend嘅同事,又未嘗唔係另一種享受嚟嘅,但最好就唔使OT囉……

P.S. 雖然Louis好謙虛地表示Goxip嘅office無唔似一啲大型公司有好多嘢offer,但小編上去行咗個圈後可以好誠實咁話你知:真心正。

. . .

💼 Goxip請緊人呀!

Social Media Specialist 🆕🎉
Senior Backend Software Engineer


. . .

搵一個更好嘅工作機會:
👉 http://wantedly.com/projects

成立於2010年,Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來,取代重視利益關係的傳統配對。在日本有超過27,000間公司使用Wantedly,每月活躍用戶達到250萬個。我們的服務已拓展至新加坡,現在更進駐香港!
  • Written by

    Wantedly編集部

NEXT

Page top icon