老細比左份Task你/ Professor比左份assignment你，佢地都提你要早啲做，但你硬係要做Deadline fighter，呢啲情況，我地經歷得太多，係時候要改變下。

何謂拖延症？

拖延症 (procrastination) 顧名思義即係一拖延嘅行為，「患者」會因為某啲原因而放棄做真正有意義及重要嘅事，轉而做啲能夠即時獲的回報但無關痛養既事，例如打機。（小編最近買左部Switch，就立即患上了拖延症。）

咁某啲原因，即係咩？

拖延症背後其實隱藏著一種焦慮及被淹沒感。我地之後不停地拖延，係因為我地面對的任務太大，無從入手。對於呢件事感到迷失。同時，拖延症亦同一個心理學現象延宕（發音：dong6）折扣 (delay discounting) 有關。

延宕折扣係指人對非即時獲得的回報，自動在心理上減低其價值。換言之，一項行動即使有高回報，亦因收成時間過長，而在人的心中對其價值打了折扣。

以小編為例，因為打機能夠即時獲得快樂，但寫文帶來嘅回報則不明顯，所以小編就一直拖稿，拖到最後一日先寫。（其實呢篇文，係小編為自己而寫的）

總括黎講，拖延症就係面對重大事情時的焦慮而產生嘅無力感，及延宕折扣共同作用下嘅產物。針對呢兩樣野，找出解決方法，我地就能打例拖延症。

一、 詳細計劃 – 減少焦慮

詳細計劃並唔係指完美計劃，但係為左係面對重大事件時，如做project，令自己清楚明白到底要做啲咩，以及成件事應該點做，你係應該要有計劃的。

計畫時，分好唔到階段，設定好每一階段嘅目標同行動，令自己對任務瞭若指掌。但要記住，計劃係唔可能完美嘅，完美主義者更容易陷入拖延，因此你嘅計劃係會隨時間及情況而變。

有一個清楚及詳細嘅計劃，就能減少你對工作嘅焦慮及無力感，從而減少拖延。

二、看得到、捉得到的回報

點解小編會寧願打機都唔作文？正因為打機簡單刺激，而又能夠比小編即時嘅快樂。所以要解決拖延症嘅方法就係簡化任務，令你嘅工作提供即時回報。

上文提過，打倒拖延要有計劃，但有時都係唔夠嘅，可能因為計劃嘅第一步都仲係太難太大，咁就要再將佢拆細，令佢更容易達成。

再以小編寫文為例，要令我放低部Switch，除左要有篇文嘅大綱（計劃），我仲要不停咁同自己講：寫第一段就好，寫完之後，再同自己講，要作埋第二後，直到作哂為止。

大家可能會懷疑，咁真係得咩？其實人嘅大腦睇落好複雜，但其實好易呃。只要你令到自己覺得做嘅嘢好簡單，你就會有動力去做。要訣係將所有野無限拆細，細到你肯做為止。

望唔到終點線唔緊要，係你前面嘅地下，自己畫一條，跨過去，一步步咁走到去終點。

今日小編就同大家講住咁多先，冇咩事我都係返出去打機了～

.　.　.

成立於2010年，Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來，取代重視利益關係的傳統配對。在日本有超過27,000間公司使用Wantedly，每月活躍用戶達到250萬個。我們的服務已拓展至新加坡，現在更進駐香港！

入嚟睇吓我地嘅搵工平台有咩唔同啦：
👉 http://wantedly.com/projects