✨ 想即刻搵份新工？睇吓Wantedly有咩啱自己啦！✨

以前嘅人同而家嘅人搵工心態，有咩分別？

廿年前啲人搵工嘅時候，好多時候都追求份工穩定，做落有無滿足感，此乎唔係一個著眼點。反而而家嘅年青一代嘅大家似乎比較著重份工嘅意義，同埋做得開唔開心。

當然，「Love what you do, do what you love」講就容易，但一眼望去街上面，大把人嘅熱情同埋工作各不相干；當工作佔去你人生大部份時間，返工真係一件可以用「捱」去形容嘅事。

「邊有人返工係開心㗎！」好多人都係咁講，但有無諗過，其實我哋可以做啲嘢去拉近工作同熱情之間嘅距離？

1) 問心，有啲咩事會令你開心？

以下邊樣嘢，邊樣比較重要：彈性工作？體察下屬嘅老細？鼓勵團體合作嘅 Work culture？想像自己嘅「Dream job」會係點：你會做緊邊行？你啲同事會係咩人？工作環境會係點？

你未必一下就知道你自己嘅目標係咩，但從呢啲問題搵出啲小細節，會係一個幾好嘅 Starting point！

如果你覺得自己一個諗唔掂，不妨睇吓呢篇文！

2) 「Side Hustle」

如果你一開始做唔到自己夢想中嘅職業，不如試吓係空餘嘅時間做啲有關嘅事！例如話你夢想係做一個攝影師，你可以試吓星期六日出去幫人影吓相，呢個就係其中一種 Side hustle 喇～

外國就好興用 Carousell 同 Gumtree 等網站去搵 Side hustle，甚至社交網站嘅 Like 同埋 Share 本身就係俾人認識你技能嘅好方法。

唔好覺得每次做得嗰少少好似無咩用咁，每次你花時間落去，就係一個累積經驗、儲 Portfolio 嘅方法，可能有一日呢件事真係會變成你嘅職業！

3) Networking!

常言道：「識人好過識字」、「出外靠朋友」，擴大自己嘅人際網絡真係好重要㗎。識多啲人，就會遇到更多機會：話唔定你認識嘅人可以介紹你做一份你想做嘅工，或者係轉工嘅途中助你一臂之力呢。

作者 Kate White 喺佢嘅著作入面提過：

「當你搵到一個可以做你 Mentor 嘅人，你就要同佢接觸。就算個場景噝架𨋢度好、喺個 Party 度都好，唔好怕醜，試吓介紹自己，同佢講你好欣賞佢嘅工作。如果佢係一個組織或者活動嘅領導人，試吓毛遂自薦加入佢嘅團隊。你都可以試吓問佢拎建議，同佢講：『我一直都好欣賞你做緊嘅嘢，有機會嘅話想了解多啲！』」

覺得係個 party R 水吹好 odd？明嘅，唔緊要！呢個世界有 Internet 㗎嘛！用 Wantedly 同其他相似諗法嘅人交流，話俾大家聽你嘅興趣同埋目標，輕輕鬆鬆就可以認識唔同嘅公司同埋理解唔同嘅文化啦。

咩都講哂俾你聽啦～你仲等緊咩？

入嚟睇吓我地嘅搵工平台有咩唔同啦：
👉 http://wantedly.com/projects