筆者一直都覺得廣告呢行好有趣，好似可以做唔同嘅brand、見唔同嘅人，又唔使成日都坐喺office，所以想當年都見過好多間大大小小嘅agency，而其中一次嘅interview就令到我學到啲嘢。（當然最後都係冇offer啦😢 ）

👨🏻‍💻：你覺得自己可以帶到啲咩畀我哋？
😐：hmm…我覺得自己都幾creative，而且中英文水平都唔差，相信會fulfill到作為Social Strategist要嘅creative mindset。
👨🏻‍💻：咁如果我而家要你幫個客開個GA account，你做唔做到呀？
😕：err…
👨🏻‍💻：咁你識唔識幫個客set up GTM呀？
😢：err…唔識…
👨🏻‍💻：其實我覺得你係有potential嘅，但就係差啲硬件同經驗。我哋始終係細公司，冇咁多時間做training，所以每個人一埋位就要識做嘢。如果你真係有興趣入呢行嘅，最起碼都上哂啲online course先，如果唔係你得把口講話有興趣，其他公司都唔會知你講真定講假。

經過呢次interview之後，筆者明白作為白紙一張係冇乜可能入到細agency，亦都意識到裝備自己係有幾咁重要。

對細agency嚟講，每一個headcount都好珍貴，就算你幾有potential、幾鍾意間公司都好，有啲嘢你唔識就係唔識，而人哋都唔會得閒教識你所有嘢，所以你怪就只能夠怪自己唔夠經驗同準備。

咁至於大agency又點呢？有名你叫「大」agency，一句講哂：疊水囉！所以好多大agency都好歡迎fresh grad，因為佢哋有好多資源去train新人，就好似Guru Online咁。

所以Guru Online嘅Associate Account Director阿Tom都話，只要你肯試、有創意、又識同人溝通，都一定會考慮，當然都要睇你有冇potential啦。

一旦你入咗大agency，就一定會有個senior教你做嘢，可以一步一步慢慢學嘢，唔會好似細agency咁，好多時都要一腳踢。

每間大agency都有佢嘅唔同，有啲可能你會覺得做嘢好死板，有啲就可能會下放權力、還政於民，等junior同事都有say。（當然好多時都會係前者啦…）

講咗咁耐，其實大細agency都各有各好，至於你追求嘅係啲咩，就只有你自己先會知道，仲心大心細嘅你，不如試吓寫個「條件」list出嚟，睇吓上面嘅條件係咪缺一不可，係的話，就跟住張list去搵啦！

✨ 即刻睇吓Wantedly有咩agency嘅工啱你啦！✨